Azərbaycan Badminton Federasiyası istedadlar axtarışını davam etdirir

24 may 2023 962

Beynəlxalq Olimpiya Komitəsinin Olimpiya Həmrəyliyi Fondunun dəstəyilə, Milli Olimpiya Komitəsi, Dünya Badminton Federasiyası və Azərbaycan Badminton Federasiyasının birgə əməkdaşlığı çərçivəsində Qusar, Şirvan, Lənkəran, Gəncə və Mingəçevir şəhərlərində “Talantların Tapılması” layihəsi həyata keçirilib.
15 May tarixində Badminton Federasiyasının məşq bazasında 40 uşaq (20 qız, 20 oğlan) arasında keçirilən yarışların final mərhələsində ümumi nəticələrin cəminə görə ən yaxşı 4 qız və 4 oğlan mükafatçıları müəyyən olunub. İştirakçılar sertifikatlarla təltif olunub və qaliblər mükafatlandırılıb.

Qeyd edək ki, “Talantların Tapılması” layihəsi çərçivəsində istedadlı uşaqların tapılması lahiyəsinin final mərhələsində Azərbaycan Respublikası Milli Olimpiya Komitəsinin Beynəlxalq Proqramları üzrə eksperti Ceyhun Rəhmanov və Badminton Federasiyasının baş katibi Ramil Hacıyev iştirak edib.