Xəbərlər

Çingiz Hüseynzadə: "Qış idman növlərində də dəyişikliklər olacaq"

18 yanvar 2022 174

"Fiqurlu konkisürənlərimizin son nəticələri bizi sevindirir". 

Bu sözləri deyən, Azərbaycan Milli Olimpiya Komitəsinin vitse-prezidenti Çingiz Hüseynzadə  sonuncu Avropa çempionatında Yekaterina Ryabovanın 7-ci yeri tutduğunu xatırladıb: "Ümid edirəm ki, Pekindəki Qış Olimpiya Oyunlarında da nəticə sevindirici olacaq". 

Hüseynzadə Azərbaycanın 5-ci dəfə qış olimpiadasına qatılacağını bildirib: "Son zamanlar idman federasiyalarının rəhbərliyi gücləndirilir. Qarşıdakı aylarda qış növləri üzrə də analoji addımlar atılacaq və ümid edirəm ki, daha yüksək nəticələr əldə olunacaq".