Goranboyda və Naftalanda cüdo bölmələrinə baxış keçirilib
11 aprel 2023 351
11 aprel 2023-cü ildə Goranboy Olimpiya İdman Kompleksinin nəzdində yaradılan cüdo bölməsinə və Naftalan şəhərində fəaliyyət göstərən cüdo təlim mərkəzinə Azərbaycan Cüdo Federasiyasının (ACF) prezidenti Rəşad Nəbiyev tərəfindən baxış keçirilib. Goranboyda keçirilən baxış zamanı Rayon İcra Hakimiyyətinin başçısı Məhərrəm Quliyev, Goranboy-Naftalan seçki dairəsinin millət vəkili Anar Məmmədov da iştirak ediblər və yaradılan şəraitlə tanış olublar.
Məlumat verilib ki, hazırda cüdo bölməsində 60, ümumilikdə Goranboy rayonunda isə 200-ə yaxın gənc və yeniyetmə cüdo idman növü ilə məşğul olur.
Qonaqlar 15 yaşa qədər kiçik yaşlı yeniyetmələr arasında Azərbaycan birinciliyinə hazırlaşan region cüdoçularının təlim-məşq prosesini izləyiblər. ACF tərəfindən təşkil edilən təlim-məşq toplanışında Naxçıvan, Gəncə, İsmayıllı, Şamaxı, Zaqatala, Qusar, Quba, Ucar, Yevlax, Mingəçevir, Masallı və digər regionlardan 50-ə yaxın cüdoçu iştirak edir.
Daha sonra ACF-in prezidenti Rəşad Nəbiyev Naftalan şəhərinə səfər edib və orada fəaliyyət göstərən cüdo bölməsinə baxış keçirib. Görüşdə Naftalan şəhərinin İcra Hakimiyyətinin başçısı Vüqar Novruzov da iştirak edib.
Məlumat verilib ki, hazırda cüdo bölməsində 100-dən artıq gənc və yeniyetmə cüdo idman növü ilə məşğul olur.
Görüşlər zamanı ACF prezidenti R. Nəbiyev region idmançıları üçün mövcud olan şəraitin yaxşılaşdırılması və regionlarda cüdonun inkişaf etdirilməsi istiqamətində görülən işlərlə bağlı müzakirələr aparıb, müvafiq tapşırıqlar verilib.
Qeyd edək ki, ACF-in dəstəyi ilə cüdo məşq zalları Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı