Mariya Stadnik 4 qat Olimpiya mükafatçısıdır
07 avqust 2021 1003
Qadın güləşçimiz Mariya Stadnik (50 kq) Tokio Yay Olimpiya Oyunlarının bürünc medalını əldə edib.
Təcrübəli idmançımız ilk görüşdə rusiyalı Stalvira Orşuşdan güclü olub - 11:7. Stadnik 1/4 finalda tunisli Sarra Hamdini vaxtından əvvəl məyus edib - 10:0. Yarımfinalda 2 qat dünya çempionu Yui Susakiylə üz-üzə gələn Mariya yaponiyalı rəqibiylə bacarmayıb - 0:11. Millimizin ən titullu üzvü bürünc medal uğrunda görüşdə monqolustanlı Namuuntsetseq Oçirlə qarşılaşıb və rəqibinə heç bir şans tanımayıb - 10:0.
Beləliklə, Stadnik hesabına 2-ci dəfə olimpiya "bürünc"ü əlavə edib. Olimpiya Oyunlarında 2 dəfə gümüş medalı boynundan asmış qadın güləşçimiz ümumilikdə 4 Olimpiadada medal qazanmış ilk idmançımız kimi adını tarixə yazdırıb.
Bənzər xəbərlər
Prezident Olimpiya mükafatçılarını təltif etdi
Prezident İlham Əliyev Azərbaycan Milli Olimpiya komandası üzvlərinin təltif edilməsi ... Ətraflı
Hacı Əliyev: "Bu, hamımızın zəfəridir"
"Çox sevinirəm ki, olimpiadanın gümüş medalını qazandım. Sözsüz, "qızıl"a çox ... Ətraflı