Vüqar Əsədli: “Bu nəticəni gözləmirdim”
30 yanvar 2023 446
Kişi şahmatçılar arasında Azərbaycan çempionatının finalında məğlub olan Vüqar Əsədli yarışla bağlı təəssüratlarını bildirib.
AŞF-nin rəsmi saytına açıqlamasında V.Əsədli oyunundan razı qaldığını söyləyib: “Bu nəticəni gözləmirdim. Çünki hazırda hərbi xidmətdəyəm. Yarışa xüsusi hazırlığım olmayıb. Ölkə çempionatında iştirakla bağlı icazə almışam və yarışdan əvvəl ikinci yeri tutacağımı düşünmürdüm. Karyeramda ilk dəfə ölkə çempionatında gümüş medal qazandım”.
Şahmatçı finalda güzəştsiz mübarizənin olduğunu deyib: “Psixoloji olaraq çətin oldu. Finalda klassik oyunda ilk görüşdə qələbə qazandım. Amma uğurun davamını gətirmək alınmadı. Psixoloji olaraq sona qədər səhvsiz oynamaq alınmadı. Oyun baxımından Azərbaycan çempionu olmağa gücüm var idi. Sadəcə hər zaman şahmatda mübarizə istədiyimiz kimi olmur”.
Azərbaycan çempionatında ikinci yerin sahibi olan Vüqar Əsədli yeniyetmə şahmatçıların bütün rəqiblərə müqavimət göstərdiyini qeyd edib: “Çempionatda gənclərin oyunu məni təəccübləndirdi. Xüsusilə az yaşlıların oyununu fərqləndirmək istərdim. Variantları çox yaxşı bilirlər. Maraqlı gedişlər oynadılar. Ona görə rəqabətin az olmadığını deməliyəm”.
Bənzər xəbərlər
Millimiz Berlində beynəlxalq təlim-məşq toplanışında iştirak edib
Yeniyetmə oğlanlardan ibarət milli komandamızın üzvləri beynəlxalq təlim-məşq toplanışında iştirak ... Ətraflı
Cüdo üzrə kiçik yaşlı yeniyetmələr arasında Abşeron-Xızı region birinciliyi keçiriləcək
Aprelin 19-da “Yaşıl Dünya naminə həmrəylik ili”nə həsr olunmuş 15 ... Ətraflı