Avropa Yeniyetmələrinin VIII Olimpiya Festivalı 2005-ci ildə İtaliyanın Linyano-Sabbyadoro şəhərində təşkil edilib. Yarışda 48 ölkənin atleti 11 idman növündə qüvvəsini sınayıb. Bu yarışda cüdoçularımız Teymur Bağırlı (55 kq) və Zaur Bağırlı (60 kq) qızıl, Samir Dadaşzadə (50 kq) və Asəf Əliyevin (73 kq) bürünc medal qazanıblar. Azərbaycan medal əldə edən ölkələrin komandaları sırasında 19-cu pillədə yer alıb.