Atlanta  Olimpiya Oyunlarında  idmançılarımız ilk dəfə müstəqil dövlətimizin bayrağı altında çıxış ediblər. Bu oyunlarda  idmançılarımızın  əldə  etdikləri nailiyyətlər isə bu dəfə birbaşa Azərbaycanın adına yazılıb. Olimpiadanın açılış mərasimi  iyulun 4-də olub. Mərasimdə respublikamızın bayrağını cüdo üzrə Olimpiya çempionu Nazim Hüseynov aparıb. 

Azərbaycanı Atlantada 23 idmançı təmsil edib. İdmançılarımız on bir idman yarışı proqramında güclərini sınayıblar. Güləş üzrə ikiqat Avropa çempionu Namiq Abdullayev ABŞ, Yaponiya, Özbəkistan və İran idmançıları üzərində inamla qələbə qazanaraq finala çıxıb. Finalda bolqar İordanova məğlub olan Namiq gümüş medal qazanıb. Bu, Azərbaycan bayrağı altında qazanılmış birinci medal idi.

Azərbaycan komandası Atlanta Oyunlarında 197 ölkə arasında 61-ci yeri tutub. Oyunlar başa çatdıqdan sonra vətənə dönmüş idmançıları Azərbaycan Prezidenti Heydər Əliyev qəbul edib. Ölkə başçısının Fərmanı ilə Namiq Abdullayev “Şöhrət” ordeni ilə təltif olunub.