199 ölkənin qatıldığı növbəti XXVII Yay Olimpiya Oyunlarında Azərbaycan müstəqil dövlət kimi ikinci dəfə olimpiadada iştirak edib. Azərbaycan idmançılarının qazandıqları lisenziya və alınmış dəvət kartlarına əsasən Atlantada 31 idmançı 9 idman növü üzrə ölkəni təmsil edib.

İlk dəfə Olimpiya proqramına daxil edilmiş qadınlar arasında stend atıcılığı yarışlarında Zemfira Meftəhətdinova ən yüksək nəticəni göstərərək iki Olimpiya rekordu müəyyənləşdirib və Olimpiya çempionu adını qazanıb.

Sərbəst güləş yarışlarında 54 kq çəki dərəcəsində çıxış edən Namiq Abdullayev bütün rəqiblərini məğlub edərək Olimpiya çempionu adına layiq görülüb.

Sidney-2000 Yay Olimpiya Oyunlarında Azərbaycan boksunun səlnaməsinə də ilk Olimpiya medalı yazılıb. 75 kq çəki dərəcəsində çıxış edən Vüqar Ələkbərov Keniya, Avstraliya və Türkiyə təmsilçilərinə qalib gələrək yarımfinala yüksəlib. Bu mərhələdə kubalı boksçu ilə bacarmayan 19 yaşlı Vüqar Ələkbərov ilk dəfə ölkəmizə Olimpiya boksunun bürünc medalını gətirib.

İki qızıl və bir bürünc medal qazanan Azərbaycan medal alan ölkə arasında 34-cü yeri, Avropa ölkələri arasında isə 23-cü yeri tutub.