London Olimpiadasının son günündə sərbəst güləşçilər Toğrul Əsgərov (60 kq) və Şərif Şərifov (84 kq) bütün rəqiblərinə qalib gələrək Olimpiya çempionu adını qazanıblar.

London-2012 Olimpiya Oyunlarında yunan-Roma güləşçimiz Rövşən Bayramovla (55 kq) qadın güləşçimiz Mariya Stadnik (48 kq) gümüş medalla kifayətlənib. Boksçular Teymur Məmmədov (91 kq), Məhəmmədrəsul Məcidov (91+ kq), sərbəst güləşçi Xetaq Qazyumov (96 kq), yunan-Roma güləşçisi Emin Əhmədov (74 kq) və qadın güləşçi Yuliya Ratkeviç (55 kq) bürünc medalın sahibi olublar. Valentin Xristov(ağır atletika) 2018-cı ildə dopinqə görə BOK tərəfindən Olimpiya medalından məhrum edilib.

Azərbaycan idmançıları 2 qızıl, 2 gümüş və 6 bürünclə medalların əyarına görə 30-cu, sayına görə isə 24-cü yeri tutub. Ölkəmiz bu nailiyyəti ilə, Avropa ölkələri arasında 15-ci , keçmiş SSRİ respublikaları arasında 5-ci, türkdilli ölkələr arasında 2-ci, müsəlman dövlətləri arasında isə 3- cü olub.