Bu gün Azərbaycan xalqının Ümummilli Lideri Heydər Əliyevin anım günüdür.

Gənclər və İdman Nazirliyinin rəhbərliyi və kollektivi, Milli Olimpiya Komitəsi, AFFA və digər idman qurumlarının məsul şəxsləri Fəxri xiyabanda Ulu Öndərin məzarını ziyarət edib, önünə gül dəstələri qoyub, əziz xatirəsini böyük ehtiramla yad ediblər.

Azərbaycanda səfərdə olan Bolqarıstanın gənclər və idman naziri Dimitar İliev də Fəxri xiyabanı ziyarət edənlər arasında olub.

Görkəmli oftalmoloq-alim, akademik Zərifə xanım Əliyevanın da xatirəsi yad edilib, məzarı üzərinə gül dəstələri qoyulub.