Azərbaycan təmsilçiləri Beynəlxalq Universitet İdman Festivalında növbəti medallarını qazanıblar
26 avqust 2023 213
Rusiyanın Yekaterinburq şəhərində keçirilən Beynəlxalq Universitet İdman Festivalı davam edir.
Təmsilçilərimiz sərbəst güləşdə növbəti qələbəsini qazanıb.
Günün ən maraqlı görüşü Azərbaycan idmançısı Sabir Cəfərov (70kq) və rəqibi Rusiya güləşçisi Nicat Fərzəliyev arasında olub. Ölkəmizi təmsil edən güləşçi 10:0 hesabı ilə yarışda qalib gəlib və bürünc medal əldə edib.
Güləşçimiz Ramiz Həsənov (74 kq) rəqibi rusiyalı Maqomed Kardanova 1:11 hesabı ilə məğlub olaraq ölkəmizə gümüş medal qazandırıb.
Güləş üzrə digər təmsilçilərimiz - Fərid Cabbarov (86 kq) Rusiya idmançısı Boqdan Qladçenkodan, Aydın Əhmədov (125 kq) isə qazaxıstanlı Marlen Kurlysbekdən üstün olaraq bürünc medala sahib olublar.
Sambo idman növündə 58 kiloqramda çıxış edən idmançımız Nicat Məmmədli isə qazaxıstanlı Said Baigaliyevə 3:1 hesabı ilə qalib gələrək bürünc medalla kifayətlənib.
Qeyd edək ki, avqustun 19-dan 31-dək keçiriləcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.
Festivalda Azərbaycanı 10 təhsil ocağından 54-ü kişi, 15-i qadın olmaqla 69 idmançı təmsil edir.
Atletlərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışlarda mübarizə aparırlar.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı