Azərbaycanın iki qılıncoynadanı Avropa Oyunlarının pley-off mərhələsinə yüksəlib
25 iyun 2023 176
Azərbaycan qılıncoynadanları Polşada keçirilən III Avropa Oyunlarında mübarizəyə başlayıblar.
Sablyaçılarımız Murad Əkbərov və Saleh Məmmədov qrup mərhələsini uğurla başa vurublar.
Hər iki təmsilçimiz qrupda 2 qələbə qazanaraq, pley-off mərhələsinə vəsiqə qazanıb. Onlardan fərqli olaraq, Maqsud Hüseynli ilə Ayxan Xasıyev mübarizəni erkən dayandırıblar.
Murad Əkbərov pley-offda ispaniyalı İnyaki Bravo ilə üz-üzə gələcək. Saleh Məmmədovun bu mərhələdəki rəqibi isə Polşa idmançısı Pyotr Şçepanik olacaq.
Hər iki sablyaçımız Bakı vaxtı ilə saat 16:40-da mübarizə aparacaq.
İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparacaq. İdmançılar 29 növ üzrə 253 dəst medalın sahibini müəyyənləşdirəcək. Azərbaycan Krakov-2023-də 13 növ üzrə 86 idmançı ilə təmsil olunur.
Tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında “Bakı-2015”də 2-ci, “Minsk-2019”da 10-cu yeri tutub.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı