Azərbaycanın stolüstü tennisçisi Onur Quluzadə Rusiyanın Sankt-Peterburq şəhərində keçirilən Nikolay Nikitinin xatirəsinə həsr olunmuş beynəlxalq turnirdə gümüş medal qazanıb.

O, sayca XXIII olan ənənəvi yarışda 2010-cu il və daha kiçik təvəllüdlü idmançıların mübarizəsində qrup mərhələsində bütün rəqiblərinə qalib gəlib. O. Quluzadə onaltıdabir finalda Belarus, növbəti mərhələlərdə isə Rusiya idmançılarını üstələyərək finala yüksəlib. Həlledici oyunda özündən bir yaş böyük olan rusiyalı rəqibinə uduzan idmançımız gümüş medalla kifayətlənib.

Onur Quluzadə bu nəticə ilə 2008-2009-cu il təvəllüdlü idmançıların turnirində mübarizə aparmaq hüququ qazanıb.