Xəbərlər

Beynəlxalq Multikulturalizm qış məktəbi Milli Olimpiya Komitəsində

15 fevral 2016 236

15 fevral 2016-cı ildə Milli Olimpiya Komitəsinin inzibati binasında Bakı Beynəlxalq Multikulturalizm Mərkəzi, Azərbaycan Respublikasının Prezidenti yanında Bilik Fondu və Bakı Slavyan Universitetinin birgə təşkilatçılığı ilə fəaliyyətə başlayan “Multikulturalizm Azərbaycanda həyat tərzi kimi: öyrən, araşdır, paylaş-2016” adlı Beynəlxalq Multikulturalizm qış məktəbi çərçivəsində “Olimpiya Hərəkatı və Azərbaycanda idmanın inkişafı” mövzüsünda vitse-prezidenti Çingiz Hüseynzadə çıxış etdi.

Milli Olimpiya Komitəsinin yaranması və inkişafı və bu yolda Azərbaycan yığmasının uğurları haqqında ətraflı məlumat verildi. O cümlədən, Azərbaycan yığma komandasının Olimpiya Oyunlarında qazandığı uğurları və Rio 2016 Olimpiya Oyunlarına hazırlıqları vitse-prezident danışdı.

Bakı 2015 Avropa Oyunları və Bakı 2017 İslam Həmrəylik Oyunlarının təşkilat prosesi və uğurlarımızdan misal göstərildi.

Tədbir gənc qonaqların sual-cavab sessiyası ilə sona çatdı.