BOK-un İcraiyyə Komitəsi ağır atletikanı 2028-ci il Olimpiadasının proqramına daxil etməyi tövsiyə edib
14 oktyabr 2023 182
Beynəlxalq Olimpiya Komitəsinin (BOK) İcraiyyə Komitəsi ağır atletika üzrə turniri 2028-ci ildə Los-Ancelesdə keçiriləcək Olimpiya Oyunlarının proqramına daxil etməyi tövsiyə edib.
Bu barədə BOK-un mətbuat xidməti məlumat yayıb.
Məlumatda bildirilir: “BOK-un İcraiyyə Komitəsi Beynəlxalq Ağır Atletika Federasiyasının (IWF) Beynəlxalq Test Agentliyinin (ITA) Antidopinq idarəsinə nümayəndə göndərməsindən sonra ağır atletika üzrə turniri Los-Ancelesdə keçiriləcək Olimpiya Oyunlarının proqramına daxil etməyi tövsiyə edib. BOK 2024-cü ildə Parisdə keçiriləcək Olimpiya təsnifatında antidopinq proqramlarının effektivliyinə, həmçinin IWF-də idarəçilik üzrə dəyişikliklərin həyata keçirilməsinə diqqətlə nəzarət etməyə davam edəcək”.
BOK 2021-ci ildə ağır atletikanı 2028-ci il Olimpiadasının proqramına daxil etməmişdi. Komitə bildirmişdi ki, IWF-nin dopinqlə mübarizə üzrə tövsiyələri yerinə yetirməsi və antidopinq sistemindən asılı olmadığını göstərməsi vacibdir.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı