Çingiz Hüseynzadə Beynəlxalq Hərbi İdman Şurasının ordeni ilə təltif olundu
22 yanvar 2018 476
22 yanvar 2018-ci il tarixində Milli Olimpiya Komitəsində Beynəlxalq Hərbi İdman Şurasının nümayəndə heyəti ilə görüş keçirildi.
Nümayəndə heyətindən Beynəlxalq Hərbi idman Şurasının prezidenti polkovnik Abdullahakim Mohamed İsa Alşino, BHİŞ prezidentinin xüsusi məsləhətçisi Konstantinos Kousantas, Beynəlxalq Hərbi İdman Şurasının Qara dəniz, Balkan və Cənubi Qafqaz ölkələri üzrə koordinasiya ofisinin rəisi Nevzat Varol və Azərbaycan Respublikası Müdafiə Nazirliyinin Mərkəzi Ordu İdman Klubunun rəisi, Azərbaycan Respublikası Silahli Qüvvələrinin Beynəlxalq Hərbi İdman Şurasındakı nümayəndə heyətinin rəhbəri Rəşad Quliyev həmçinin, MOK-un vitse-prezidenti Çingiz Hüseynzadə, baş katib Ağacan Abiyev, beynəlxalq əlaqələr idarəsinin rəisi Anar Bağırov, MOK-un icra aparatının rəhbərinin köməkçisi Həsənağa Rzayev iştirak edib.
Görüş zamanı MOK və BHİŞ arasında əlaqələrin genişləndirilməsi, təlimlərin keçirilməsi, idmançıların hərbi yarışlara qatılması mövzüsünda müzakirələr aparıldı. Beynəlxalq Hərbi İdman Şurasının dəstəyi ilə keçirilmiş yarışları və uğurlu nəticələri qeyd edildi. Sonda MOK-un vitse-prezidenti Çingiz Hüseynzadə Beynəlxalq Hərbi İdman Şurasında idmanın inkişafında gördüyü xidmətlərə görə orden ilə təltif olundu.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı