Çingiz Hüseynzadə: Bütün idman növlərinin inkişafına töhfə vermək üçün çalışırıq
29 fevral 2024 137
"İmzalanan protokol Milli Olimpiya Komitəsi (MOK) və Azərbaycan Voleybol Federasiyası (AVF) arasında fəaliyyətimizin yeni mərhələsidir".
Bu sözləri MOK-un vitse-prezidenti Çingiz Hüseynzadə AVF ilə birgə əməkdaşlığa dair niyyət protokolunun imzalanma mərasimindən sonra jurnalistlərə açıqlamasında deyib.
O, "Kompleks İnkişaf Modeli" layihəsini ilk olaraq komanda idman növlərinə daxil olan voleybolla bağlı həyata keçirdiklərini bildirib: "Biz Azərbaycan voleyboluna, eləcə də bütün idman növlərinin inkişafına töhfə verəcəyik. Ona görə də bu cür layihə həyata keçiririk".
Ç.Hüseynzadə bu layihəni digər idman federasiyaları ilə də həyata keçirəcəklərini söyləyib: "Gələcəkdə basketbol, həndbol və futbolla bağlı da planlarımız var. Əsas məqsəd bütün idman növlərinin inkişafına kömək etməkdir".
MOK rəsmisi "Qarabağ" komandasının Avropa Liqasının 1/8 final mərhələsində Almaniya təmsilçisi "Bayer"ə ( Leverkuzen) qarşı keçirəcəyi oyunlar barədə danışıb: "Rəqibimiz Almaniyanın deyil, Avropanın ən güclü komandalarından biridir. Çətin oyunlar olacaq. Düşünürəm ki, artıq Qurban Qurbanovun kollektivi avrokuboklarda tarix yazmağı bacarıb".
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı