Çingiz Hüseynzadə: “İdman Filmləri və Proqramları Milli Televiziya Festivalının iki ildən bir keçirilməsi planlaşdırılır”
05 dekabr 2023 351
“MOK-un yubileyi ərəfəsində ilk dəfə təşkil olunan festival böyük marağa səbəb olub”.
Bu sözləri Milli Olimpiya Komitəsinin (MOK) vitse-prezidenti Çingiz Hüseynzadə MOK-un inzibati binasında təşkil olunan film festivalı ilə bağlı tərəfdaşlıq müqaviləsinin imzalanma mərasimindən sonra televiziya kanallarına müsahibəsində bildirib. O qeyd edib ki, MOK-un yubileyi ərəfəsində ilk dəfə təşkil olunan festival böyük marağa səbəb olub:
“Belə bir festival ilk dəfə iki il əvvəl Milli Olimpiya Komitəsinin yubileyi ərəfəsində həyata keçirilmişdi. Layihə uğurlu alındığına görə qərara gəldik ki, İdman Filmləri və Proqramları Milli Televiziya Festivalını yenidən təşkil edək. Festivalının iki ildən bir keçirilməsi planlaşdırılır. Bununla bağlı tərəfdaşlarımıza müraciət etmişik. Artıq ilk olaraq “Cüdo klub-2012” İctimai Birliyi ilə müqavilə imzaladıq. Azərbaycan televiziya kanalları və bir sıra tərəfdaşlarla da müqavilələr bağlanacaq. Bu ilin sonunda başlayacaq festivala gələn il yekun vurulacaq”.
Milli Olimpiya Komitəsinin mətbuat xidməti
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı