Dünya Kubokunun poçt markaları təqdim olundu
22 avqust 2023 257
Bakıda keçirilən şahmat üzrə Dünya Kuboku münasibətilə poçt markaları dövriyyəyə buraxılıb. Sayca 10-cu dəfə təşkil olunan Dünya Kubokunun “Open” yarışında 309 şahmatçı iştirak edir. Azərbaycan şahmatçısı Nicat Abasov yarımfinala qədər irəliləməklə Dünya Kubokunun ən güclü dörd iştirakçısından biri olduğunu nümayiş etdirib.
Xatırladaq ki, Dünya Kuboku Bakıda ikinci dəfə təşkil olunur. Bu mötəbər yarış Azərbaycanda ilk dəfə 2015-ci ildə keçirilib.
Bu münasibətlə “Azərpoçt” MMC tərəfindən 4000 tirajla, blok şəklində poçt markaları hazırlanıb və dövriyyəyə buraxılıb.
Markalar “Azərpoçt” MMC-nin İdarə Heyətinin sədri Əfqan Cəlilov və Azərbaycan Şahmat Federasiyasının prezidenti, Beynəlxalq Şahmat Federasiyasının (FIDE) vitse-prezidenti Mahir Məmmədov tərəfindən möhürlənib.
Qeyd edək ki, şahmat filatelistlərin daima marağında olan mövzudur.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı