İdman TV-də yeni mövsümdən etibarən “İdman səhər” verilişi yayımlanmağa başlayıb.

İdmanla bağlı əyləncəli informasiya verilişi həftəiçi hər gün saat 9:00-dan 10:00-a kimi efirdə olacaq.

Verilişdə idman sahəsindəki ən son nailiyyətlər, idmançıların həyat və qidalanma tərzi, əldə etdikləri uğurlar barədə danışılacaq, gündəmə uyğun olaraq qonaqlar dəvət olunacaq, idmançıların yarışı təşkil olunacaq.

Veriliş Günay Novruzqızı, Fərid Ramazanov, Könül Mahmudova, İqbal Aslanovun təqdimatında yayımlanacaq. Verilişin baş redaktoru isə Vüqar Vüqarlıdır.