Kapitanından yoxsul "Gəncə" final seriyasındakı hesabı yenidən bərabərləşdirib

26 may 2023 1009

26 may "Sərhədçi" İdman Mərkəzində, Azərbaycan Basketbol Liqasının (ABL) "Gəncə" və "Sabah" komandaları arasında final seriyasının dördüncü oyunu baş tutub. Zədə səbəbindən oyunda iştirak etməyən kapitan Amil Həmzəyev -siz "Gəncə" oyuna sürətli başlayıb. Start beşlikdə oyuna başlayan komanda üzvləri ilə sona qədər mübarizə aparan region təmsilçisi "Gəncə", qarşılaşmanın yekununda "Sabah" üzərində 93-90 hesablı qələbə qazanıb. Bu qələbə ilə "Gəncə" seriyadakı hesabı 2-2 edib. Final seriyasının beşinci oyunu 30 may tarixində baş tutacaq. Ən məhsuldar basketbolçular: "Gəncə BK" ( Kollin Törner - 25 xal, 9 ribaund), "Sabah BK" ( Entoni Patti - 27 xal, 7 ribaund )