Karateçilər V İslam Həmrəylik Oyunlarına hazırdır
04 avqust 2022 869
Azərbaycan karateçiləri V İslam Həmrəylik Oyunlarına son hazırlıqlarını keçir.
Milli komandaların baş məşqçiləri Qurban Tağıyev (kişilər), Denis Morozov (qadınlar) və Vahid Ayvazovla (kata) birgə böyük məşqçilər Şahin Xudaverdiyev və Rəşad Hüseynov bu mötəbər yarışda 12 fərdi və 1 komanda heyətini müşayiət edəcək. Kumite yarışlarında Əminağa Quliyev (-60 kq), Tural Ağalarzadə (-67 kq), Fərid Ağayev (-75 kq), Pənah Abdullayev (-84 kq), Asiman Qurbanlı (84+ kq), o cümlədən İnci Əzizova (-50 kq), Mədinə Sadiqova (-55 kq), Ayla Rzazadə (-61 kq), İrina Zaretska (-68 kq) və Fəridə Əliyeva (68+ kq) mübarizə aparacaq.
Fərdi kata yarışlarına Roman Heydərov və Zəhra Qurbanzadə, komanda kata çıxışlarına isə İsmayıl Quliyev, Tural Balcanlı və Rövşən Əliyevdən ibarət heyət qatılacaq. Beynəlxalq hakimlər Cahangir Babayev və Vüqar Kərimov karate yarışlarının hakimləri arasında olacaq. Azərbaycan Milli Karate Federasiyasının prezidenti və Dünya Karate Federasiyası Texniki komitəsinin, eləcə də Avropa Karate Federasiyasının İdarə heyətinin üzvü Yaşar Bəşirov idmançılarımızın çıxışılarını izləyəcək.
9-18 Avqust tarixlərində V İslam Həmrəylik Oyunlarının karate yarışları 17 və 18 Avqustda keçiriləcək. Karateçilər Konyaya 14 Avqustda yollanacaq.
Bənzər xəbərlər
Bu gün Paris-2024 Yay Olimpiya Oyunlarının açılış mərasimi keçiriləcək
Bu gün Fransanın paytaxtı Parisdə XXXIII Yay Olimpiya Oyunlarının açılış ... Ətraflı
Paris-2024: Boksçularımızın ilk rəqibləri bəlli olub
Paris-2024 Yay Olimpiya Oyunlarının boks yarışlarının püşkü atılıb. Püşkə əsasən ... Ətraflı