Bu gün Milli Olimpiya Komitəsində “İdman Adminastroturluğu Kursu” başa çatmışdır. Kurs Milli Olimpiya Komitəsinin təşkilatçılığı və Beynəlxlaq Olimpiya Komitəsinin Olimpiya Həmrəyliyi fondunun dəstəyi ilə 28-31 yanvar 2019-cu il tarixlərində keçirilmişdir.

Kursun əsas məqsədi Beynəlxalq Olimpiya Komitəsinin Olimpiya Həmrəyliyi Fonduna əsasən iştirakçılar arasında İdman İnzibatçılığı və tədbiqi mövzusunda bilikləri artırmaqdır. Tədbir müddətində iştirakçılar Beynəlxalq Olimpiya Komitəsi, Kommunikasiya, Dopinq və onunla mübarizə, Olimpiya marketinqi, İdarəetmə və onun növləri və digər məsələlər dinlədi, fikir mübadiləsi aparıldı.

Təlimçilər – Milli Kurs direktorları olan Mehman Kərimov, Anar Bağırov, Ceyhun Rəhmanov və Kənan Məhərrəmov, həmçinin Azərbaycan Voleybol Federasiyasının şöbə müdiri Elnur Məmmədov, Bakı 2019 Təşkilat Komitəsinin üzvü Elçin Səfərov olmuşdur.

İştirakçılar Uşaq-Gənclər İdman Məktəbinin müəllimləri idi və ümumilikdə iştirakçıların sayı 20- yaxin idi. Xatırladaq ki, “İdman administratorluğu kursu” müəllimlər və idman mütəxəssislərin inzibatçılıq üzrə bilik və bacarıqlarını artıqmaqdan, idmançılar üzərində düzgün metodika və praktikanın istifadəsində üsulların öyrədilməsindən ibarətdir. Milli Olimpiya Komitəsi artıq 5-ci dəfədir ki Olimpiya Həmrəyliyi fondunun dəstəyi ilə “İdman Administratorluq Kursu” keçirilir.