Xəbərlər

Raman Saleh Tokio Paralimpiadasında üçüncü qızıl medalını qazanıb

03 sentyabr 2021 489

Azərbaycan üzgüçüsü Raman Saleh Tokio Paralimpiadasında üçüncü qızıl medalını qazanıb.

 

100 m məsafəyə butterfly üsulla üzgüçülük yarışında çıxış edən idmançımız məsafəni 57,81 saniyəyə qət edərək üçüncü dəfə Tokio-2020-nin qalibi olub.

 

R.Saleh 100 m məsafəyə arxası üstə və sərbəst üsulla üzmə yarışlarında da ölkəmizin aktivinə qızıl medallar yazdırmışdı. O, 50 metr məsafəyə sərbəst üsulla üzgüçülük yarışında isə dördüncü yeri tutmuşdu.

 

Hazırda Azərbaycan komandasının hesabında 17 medal var. Onlardan 12-si qızıl, 1-i gümüş və 4-ü isə bürüncdür.