Rusiyanın Yekaterinburq şəhərində keçirilən Beynəlxalq Universitet İdman Festivalında taekvondoçumuz Adil Eyvazov bürünc medal qazanıb.

58 kiloqram çəki dərəcəsində çıxış edən idmançı yarımfinalda Rusiya təmsilçisi Vladimir Mısovla qarşılaşıb. Rəqibinə 0:2 hesabı ilə uduzan Eyvazov bürünc medalı aktivinə yazdırıb.

Qeyd edək ki, avqustun 31-dək davam edəcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.

Festivalda Azərbaycanı 10 təhsil ocağından 54-ü kişi 15-i qadın olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışırlar.