Milli Basketbol Assosiasiyasında (NBA) mübarizə aparan “Hyustun Rokets”in oyunçusu Alperen Şəngün tarixi rekorda imza atıb. O, NBA tarixində bir matçda 45 xal toplayan ilk türkiyəli basketbolçu olub.

Türkiyə mətbuatına istinadən xəbər verir ki, 21 yaşlı basketbolçu buna “Hyustun Rokets” in “San-Antoniyo Spörs”ə 114-101 hesablı qalib gəldikləri oyunda nail olub. A.Şəngün bu matçda 45 xal, 16 ribaund və 3 məhsuldar ötürmə ilə yadda qalıb.

Alperen Şəngün sabiq basketbolçu Mehmet Okurun (43 xal) rekordunu qırıb.