Ulu Öndər Heydər Əliyevin 100 illik yubileyinə həsr olunmuş "Region yürüşü" adlı veloyürüş keçirilib
30 iyul 2023 250
Azərbaycan Respublikasında 2023-cü ilin “Heydər Əliyev İli” elan olunması ilə bağlı keçirilən silsilə tədbirlərin davamı olaraq iyulun 29-30-da "Region yürüşü" adlı veloyürüş təşkil edilib.
Azərbaycan Respublikası Müdafiə Sənayesi Nazirliyinin (MSN) Velosiped İdman Klubu, Azərbaycan Respublikasının Gənclər Fondu və "Gənclərin Maarifləndirilməsinə Dəstək" İctimai Birliyinin birgə təşkilatçılığı ilə Ulu Öndər Heydər Əliyevin anadan olmasının 100 illik yubileyinə həsr olunmuş veloyürüşə 25-dən çox velosipedçi qatılıb.
Yürüşdə təşkilatçı qurumların üzvləri ilə yanaşı, milli komandamızın velosipedçiləri və yerli sakinlər də iştirak ediblər.
İyulun 29-da iştirakçılar Şəkidən start götürərək Oğuz rayonundan keçib, yenidən Şəkiyə qayıdıblar. Onlar 60 km məsafə qət ediblər.
İyulun 30-da isə velosipedçilər 60 km məsafəni əhatə edən Şəki-Qax-Şəki marşrutu üzrə hərəkət ediblər.
Yürüş iştirakçıları xatirə şəkli çəkdiriblər.
Qeyd edək ki, yerli sakinlər velospedçiləri böyük maraqla qarşılayıb, onları coşğu ilə dəstəkləyiblər.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı