Ulu Öndər Heydər Əliyevin anadan olmasının 100 illiyi ilə əlaqədar Ağstafa-Bakı marşrutu ilə ultramarafon yürüşünə start verilib
01 may 2023 369
Gənclər və İdman Nazirliyi və Azərbaycan Atletika Federasiyasının təşkilatçılığı ilə Ulu Öndər Heydər Əliyevin anadan olmasının 100 illiyi ilə əlaqədar Ağstafa-Bakı marşrutu ilə ultramarafon yürüşünə start verilib. Azərbaycanda, eləcə də ölkəmizdən kənarda təşkil olunan bir sıra yürüşlərdə iştirak etmiş Ağa Əliyev 5 gün ərzində 465 km-lik məsafəni qət edəcək. Yürüş bu gün Ağstafa şəhərində Heydər Əliyevin abidəsi önündən başlayıb. Bu münasibətlə təşkil olunmuş tədbirin iştirakçıları Ümummili Liderin abidəsini ziyarət edərək önünə gül dəstələri düzüb, ehtiramlarını ifadə ediblər. Qeyd edək ki, Ağa Əliyev ilk mərhələdə Ağstafadan Gəncəyə kimi olan 96 km-lik məsafəni qət edəcək. Marşrutun növbəti dayanma məntəqələri Yevlax, Kürdəmir və Hacıqabul olacaq. Atlet Ulu Öndər Heydər Əliyevin Fəxri xiyabanda məzarını ziyarət etməklə yürüşü başa vuracaq.
Bənzər xəbərlər
Avropa çempionatı: Bu gün daha üç cüdoçumuz mübarizəyə başlayır
Bu gün Xorvatiyanın paytaxtı Zaqrebdə keçirilən cüdo üzrə böyüklər arasında ... Ətraflı
Taekvondoçularımız Prezident kubokunda mübarizə aparacaq
Aprelin 26-da Estoniyanın paytaxtı Tallinndə taekvondo üzrə Prezident kubokuna start ... Ətraflı