Ulu öndər Heydər Əliyevin xatirəsinə həsr olunan stolüstü tennis yarışı keçirilib
07 may 2022 158
.jpeg)
Şabran şəhərində Ümummilli lider Heydər Əliyevin anadan olmasının 99-cu ildönümünə həsr edilən stolüstü tennis üzrə açıq rayon birinciliyi keçirilib.
Azərbaycan Stolüstü Tennis Federasiyasının və Şabran rayonu Uşaq Gənclər İdman Şahmat Məktəbinin birgə təşkil etdiyi yarış iştirakçıları Ulu öndərin Şabran şəhərindəki abidəsini ziyarət edib, onun əziz xatirəsinə ehtiramlarını bildiriblər. Ardınca start verilən açıq rayon birinciliyində 5 şəhərin 100-dən çox idmançısı bacarığını göstərib.
Gərgin və maraqlı mübarizənin nəticələrinə əsasən Şabran-1 komandası 1-ci, Bakı kollektivi ikinci, Şabran-2 komandası 3-cü yeri tutub.
Fərqlənən komandalar kubok və diplomlarla mükafatlandırılıb.
Turnirin yüksək səviyyədə təşkilinə görə Şabran Uşaq Gənclər İdman Şahmat Məktəbinin direktoru Zeynal Zeynalova ASTF-nin xüsusi diplomu təqdim olunub.
ASTF-nin baş katibi Könül Mikayılova isə, stolüstü tennisin təbliğindəki səmərəli fəaliyyətinə görə Şabran rayon UGİŞM-in Fəxri Fərmanı ilə təltif olunub.
Bənzər xəbərlər

Gənclər və idman naziri və MOK-un baş katibi Konyada futbol üzrə milli komanda ilə görüşüblər
23 yaşadək futbolçulardan ibarət Azərbaycan milli komandası Türkiyənin Konya şəhərində ... Ətraflı

Yunan-Roma güləşçimiz Eldəniz Əzizli V İslam Həmrəyliyi Oyunlarında qızıl medal qazanıb
Turnirdə 55 kiloqram çəki dərəcəsində mübarizə aparan ikiqat Avropa və ... Ətraflı