Bu gün Milli Olimpiya Komitəsinin inzibati binasında əməkdar bədən tərbiyəsi və idman xadimi, əməkdar məşqçi, beynəlxalq dərəcəli hakim Vahid Nəzərovun 60 illik yubileyinə həsr olunmuş tədbir keçirilib. Tədbirdə Gənclər və İdman nazirinin müavini İsmayıl İsmayılov, Milli Olimpiya Komitəsinin vitse-prezidentləri Çingiz Hüseynzadə, Xəzər İsayev, baş katib Ağacan Abıyev, baş katibin müavini Azər Əliyev, Azərbaycan Ağırlıqqaldırma Federasiyasının nümayəndələri, idman xadimləri, dünya və Avropa çempionları iştirak edirdi.

Tədbir Vahid Nəzərovun idman fəaliyətinə həsr olunmuş video çarxın təqdimatı ilə başladı. Daha sonra Milli Olimpiya Komitəsinin vitse-prezidenti Çingiz Hüseynzadə ürək sözləri və tədbirklərini çatdırmaq üçün səhnəyə dəvət olundu. Vahid Nəzərovun idmanda qazandığı uğurları və fərəhli yolu bir daha qeyd edən vitse-prezident onun yeni nəsil idmançıların yetişdirilməsində rolunu qeyd etdi. O, Azərbaycanın Olimpiya Hərəkatında tövhəsini nəzərə alaraq Milli Olimpiya Komitəsi adından hazırlanmış ünvan təqdim etdi.

Gənclər və İdman nazirinin müavini və Azərbaycan Ağırlıqqaldırma Federasiyasının vitse-prezidenti İsmayıl İsmayılov, Vahid Nəzərovun öncəki və qarşıdan gələn idman yarışlarında və gələcək yarışlardakı uğurlarından danışdı. Həmçinin İsmayıl İsmayılov Gənclər və İdman Nazirliyi adından ünvan təqdim etdi.

Milli Olimpiya Komitəsinin vitse prezidenti Xəzər İsayev, baş katib Ağacan Abiyev, Təhsil Nazirliyinin şöbəsinin rəhbəri Vasif Məmmədov, Olimpiya Çempionu Zəmfira Meftəhətdinova, əməkdar jurnalist Vasif Səmədov, xalq artisti Rafiq Əzimov, Azərbaycan Radiosunun baş redaktoru Anar Məmmədov, Bakı şəhər Gənclər və İdman idarəsinin nümayəndəsi Kamal Əhmədov, Olimpiya Çempionu Namiq Abdullayev və Olimpiya Çempionu Zərifə Salahova öz təbriklərini çatdırdılar.

Sonda Vahid Nəzərov tədbir iştirakçılarını və təbriklərə görə təşəkkürünü bildirdi.

Vahid Nəzərov Azərbaycan Ağırlıqqaldırma Federasiyasının 17 il ərzində baş məşqçisi kimi fəaliyət göstərib. Ona 1992-ci il Beynəlxalq Ağırlıqqaldırma Federasiyanın İspaniyada keçirilmiş Dünya Çempionatında birinci dərəcəli hakim titulu verilib. O, 2006-ci ildə Azərbaycan respublika əməkdar bədən tərbiyəsi və idman xadimi adını alıb. Əlavə olaraq vahid Nəzərov federasiyanın birinci vitse-prezidenti vəzifəsində çalışıb. O, beş dəfə ilin hakimi nominasiyasında qalib seçilib. Hal-hazırda federasiyanın hakimlər kollegiyasının üzvüdür.