Voleybol üzrə kişilərdən ibarət Azərbaycan millisinin yeni baş məşqçisi bəlli olub
28 fevral 2024 833
Voleybol üzrə kişilərdən ibarət Azərbaycan millisinin yeni baş məşqçisi bəlli olub.
Azərbaycan Voleybol Federasiyasından (AVF) verilən məlumata görə, qurumun İdarəyə Heyətinin geniş iclasında bu vəzifəyə Fərid Cəlalov seçilib.
AVF-nin prezidenti Şahin Bağırov yeni baş məşqçiyə inandıqlarını bildirib. Fərid Cəlalov yığmanın may-iyun aylarında keçiriləcək Qızıl Avropa Liqasına hazırlıq planı barədə danışıb.
Sonra yeniyetmə və gənc qızlardan ibarət milli komandaların rəhbəri Şahin Çatma komandaların qarşıdakı yarışlara hazırlıq planlarını təqdim edib. Həmçinin yeniyetmə və gənc oğlanlardan ibarət yığmalara yeni rəhbər təyin olunmuş Cahangir Seyed Abbasi da kollektivə təqdim olunub. İranlı mütəxəssis gənclərin seçimi və yarışlara hazırlıqla bağlı proqramı nümayiş edib.
İclasda Faiq Qarayev və Bəhruz Quliyev yeni təyinatlar və müzakirə olunan məsələlərlə bağlı fikirlərini bölüşüblər.
Bənzər xəbərlər
Eduard Məmmədov 10-cu dəfə dünya çempionu olub
Birləşmiş Ərəb Əmirliklərinin Əbu-Dabi şəhərində kikboksinqin WAKO versiyası üzrə dünya ... Ətraflı
Azərbaycan idman tarixində ilk: Deflimpiya Oyunlarında gümüş medal
Dünya idman hərəkatının qədim ənənələrindən birinə çevrilən deflimpiya yarışları artıq ... Ətraflı