“Şahdağ” Beynəlxalq Xizək Alpinizmi yarışına bu gün yekun vurulacaq
10 mart 2024 109
“Şahdağ” Turizm Mərkəzində keçirilən Beynəlxalq Xizək Alpinizmi yarışına bu gün yekun vurulacaq.
Azərbaycanda idmanın bu növü üzrə ilk dəfə keçirilən beynəlxalq turnirdə 11 ölkədən 60-dək idmançı birincilik uğrunda mübarizə aparacaq.
Yarışın sonuncu günündə vertikal növ üzrə üç yaş kateqoriyasında medalçılar bəlli olacaq. Qaliblər Qış İdman Növləri Federasiyası və “Şahdağ” Turizm Mərkəzi tərəfindən medal, kubok və müxtəlif hədiyyələr ilə təltif olunacaq.
Turnirin keçirilməsində əsas məqsəd ölkədə qış idman növlərini təşviq etmək, insanlar arasında xizək idman növlərinə marağı və mərkəzin beynəlxalq yarışların təşkili istiqamətində təcrübəsini artırmaqdır.
Qeyd edək ki, ötən gün idmançılar sprint yürüşü üzrə güclərini sınayıblar. Bu növdə U-23 kateqoriyasında çıxış edən Azərbaycan yığmasının üzvü Nəzrin Qəribova gümüş medalın sahibi olub.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı