“Vugar Gashimov Memoiral”ı beynəlxalq şahmat təqvimində ən güclü turnirlərdən biridir və xüsusi çəkiyə malikdir. Bu il keçiriləcək turnirə 7 ölkədən elit şahmatçılar qatılacaqlar.

​ ​ ​ ​ ​ ​ ​ Bu sözləri turnirin mətbuat xidmətinə müsahibəsində “Vugar Gashimov Memorial-2022”də iştirak edəcək Azərbaycan çempionu və gənc şahmatçılar arasında dünya çempionu Abdulla Qədimbəyli deyib.

Rəqiblərin yetərincə güclü olduğunu deyən qrosmeyster bildirib ki, mükafatçılar sırasında yer almaq üçün əlimdən gələnin ən yaxşısını etməyə çalışacağam. Ancaq əmsal baxımından şansımı çox böyük qiymətləndirmirəm. Düşünürəm ki, istədiyim kimi oynasam, uğurlu nəticə qazana bilərəm.

Superturnirin təşkilinin yeni nəsil şahmatçıların yetişməsinə böyük təkan verdiyini bildirən Abdulla Qədimbəyli Azərbaycanın ilk ​ Avropa çempionluğunda Vüqar Həşimovun vacib qələbəsinin hər bir azərbaycanlının yaddaşında xoş iz buraxdığını qeyd edib.

Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin və Azərbaycan Şahmat Federasiyasının dəstəyi, SOCAR-ın sponsorluğu ilə dekabrın 17-dən 24-dək “Fairmont Baku” hotelində baş tutacaq.