AMADA, DİN və DGK dopinqlə mübarizədə atılacaq birgə addımları müəyyənləşdirib
20 aprel 2022 501
Azərbaycan Milli Antidopinq Agentliyi (AMADA) Daxili İşlər Nazirliyi (DİN) və Dövlət Gömrük Komitəsinin (DGK) əməkdaşları arasında dopinq vasitələrinin qanunsuz dövriyyəsi ilə mübarizəyə həsr olunmçuş növbəti işçi görüş keçirilib. Azərbaycanın da tərəf olduğu YUNESKO-nun “İdmanda dopinqə qarşı mübarizə haqqında” Beynəlxalq Konvensiyasına əsasən Milli Əlaqləndirici Mərkəz olan AMADA dopinq vasitələrinin qanunsuz dövriyyəsi ilə bağlı əldə etdiyi məlumatları hüquq mühafizə orqanları ilə bölüşüb. Belə ki, AMADA-nın apardığı araşdırmalar, daxil olan anonim və açıq məlumatlar və bu məlumatların təhlili dopinq vasitələrinin qanunsuz dövriyyəsi probleminin daha da aktuallaşdığını göstərir. Bütün bunları nəzərə alaraq AMADA tərəfindən hüququ mühafizə orqanlarının əməkdaşları üçün, dopinq vasitələrinin xüsusi ilə də steroidlərin qanunsuz dövriyyəsi, o cümlədən sosial şəbəkələrdə və idman zallarında qanunsuz satışının təşkili və digər məlumatların əks olunduğu təqdimat keçirilib.
“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın icraçı qurumlarından olan AMADA idmanda narkotik maddələrin istifadəsi ilə bağlı əldə etdiyi məlumatları və apardığı araşdırmaların nəticələrini də hüquq mühafizə orqanları ilə bölüşüb.
Görüşdə sözü gedən məsələlər ətrafında geniş müzakirələr və fikir mübadiləsi aparılıb. Bu istiqamətdə mövcud əməkdaşlığın genişləndirilməsinin və mübarizə tədbirlərinin daha da gücləndirilməsinin vacibliyi vurğulanıb. AMADA, DİN və DGK problemin aktuallığını nəzərə alaraq dopinq vasitələrinin qanunsuz dövriyyəsinin qarşısının alınması üçün atılacaq birgə addımları müəyyənləşdirib.
Bənzər xəbərlər
Azərbaycanın 6 boksçusu Bakıdakı beynəlxalq turnirin finalına vəsiqə qazanıb
Bakıda təşkil edilən kişi boksçular arasında ənənəvi “Böyük İpək Yolu” ... Ətraflı
Azərbaycanın qadın boksçuları beynəlxalq turniri 9 medalla başa vurublar
Bakıda təşkil olunan boks üzrə “Böyük İpək Yolu” beynəlxalq turnirində ... Ətraflı