Azərbaycan komandası ümummilli lider Heydər Əliyevin anadan olmasının 101 illik yubileyinə həsr edilən avarçəkmə üzrə "Prezident Kuboku-2024" beynəlxalq reqatasında ilk qızıl medalını qazanıb. 

Mingəçevirdə yerləşən "Kür” Olimpiya Tədris-İdman Mərkəzində keçirilən turnirin ikinci günündə təmsilçimiz Əlimurad Hacızadə 2008-2009-cu illər təvəllüdlü idmançıların birnəfərlik kayak qayığı ilə 500 metr məsafəyə yarışlarda qızıl medala layiq görülüb. 

Bu, komandamızın beynəlxalq reqatada ikinci medalı olub. 

Xatırladaq ki, Suqovusanda start götürən yarışın ilk günündə avarçəkənimiz Amil Ramazanov 2006-2007-ci illər təvəllüdlü birnəfərlik kayak qayığı ilə 200 metr məsafəyə yarışda üçüncü yeri tutub. 

Turnirdə mayın 3-də yekun vurulacaq.