Millimiz qitə birinciliyində 10 çəkidən cəmi 5-ində təmsil olunmasına baxmayaraq, uğurlu çıxış edib. Beləki iki qızıl və bir bürünc medal əldə edən yığmamız 83 xalla komanda hesabında dördüncü yeri tutub. Millimiz yalnız Ukrayna (147), Türkiyə (142) və Rumıniyadan (101) geri qalıb.

Baş məşçi Semyon Şterev, böyük məşqçi Toğrul Əsgərov və məşqçi Ağahüseyn Mustafayevin rəhbərliyi altında Buxarestə yollanan kollektiv Avropa çempionatlarında medalların əyarına görə son on illin, xallara görə son altı illin, komanda sıralamasına görə isə son beş illin ən yaxşı nəticəsinə imza atıb.

Xatırladaq ki, qitə birinciliyində Mariya Stadnik (50) və Alyona Kolesnik (59) qızıl, Elis Manolova (65) isə bürünc medal qazanıb.