Azər Əliyev: “Shusha Chess” turnirinin FIDE-nin təqviminə daxil olunacağına ümid edirəm
21 sentyabr 2022 363
Hər birinizi Qarabağda salamlamaqdan şadam. Qədim Şuşada 9 ölkədən şahmatçıları qəbul etmək bizim üçün çox xoşdur.
Bu sözləri “Shusha Chess-2022” beynəlxalq şahmat turnirinin açılış mərasimində Azərbaycan Milli Olimpiya Komitəsinin baş katibi Azər Əliyev bildirib.
Şuşanın 2020-ci ildə düşmən işğalından azad edildiyini xatırladan A.Əliyev deyib: “Artıq Şuşa ikinci beynəlxalq idman yarışına ev sahibliyi edir. Cari ildə Şuşada “Əziz Şuşa” adlı velosiped yarışı keçirilmişdi. Ümid edirəm ki, "Shusha Chess" Beynəlxalq Şahmat Federasiyasının (FIDE) təqviminə daxil ediləcək və hamı Şuşanın yenidən qurulmasının şahidi olacaq”.
Qeyd edək ki, şahmat turniri Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğu İdarəsinin birgə təşkilatçılığı ilə reallaşıb.
Bənzər xəbərlər
Stolüstü tennisçimiz Lüksemburqda bürünc medal qazandı
Stolüstü tennisçi Onur Quluzadə daha bir beynəlxalq yarışda fəxri kürsüdə ... Ətraflı
Gənc cüdoçulardan ibarət millimiz Avropa kubokunda iştirak edəcək
Mayın 20-21-də İtaliyanın Liqnano şəhərində cüdo üzrə Avropa Kuboku turniri ... Ətraflı