Azərbaycan avarçəkəni dünya çempionatında gümüş medal qazanıb
09 oktyabr 2023 284
Azərbaycan milli komandasının üzvü Diana Dımçenko İtaliyanın Barletta şəhərində keçirilən sahil avarçəkməsi üzrə dünya çempionatında uğurlu nəticə göstərib.
İdmançı təsnifat mərhələsində finişə hamıdan birinci çatıb. O, 4000 metr məsafəni 20:11.72 dəqiqəyə qət edib.
A. Dımçenko təsnifat mərhələsində ikinci olan Finlandiya təmsilçisi Eva Karppineni 10 saniyə qabaqlayıb. (20:21.43). Bu nəticə ilə o, A finalına vəsiqə qazanıb.
Final yürüşündə idmançılar 6000 metr məsafəyə yarışıblar. Diana Dımçenko bu məsafəni 32:20.94 dəqiqəyə başa vurub. İdmançı fransalı Cessika Berranı (32:33.92) 13 saniyə fərqlə geridə qoyaraq dünya çempionatının gümüş medalına sahib olub. O, yalnız irlandiyalı Monika Dukarskadan (32:09.17) geri qalıb.
Diana Dımçenko 2022-ci ildə Uelsdə təşkil olunan sahil avarçəkməsi üzrə dünya çempionatında da 2-ci yer tutub.
Bənzər xəbərlər
Azərbaycan nümayəndə heyəti Dünya Badminton Federasiyasının illik toplantısında iştirak edib
Çinin Çendu şəhərində baş tutan illik toplantıda dünyanın 151 yerli ... Ətraflı
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı