Azərbaycan Berlin Avropa Kubokunda Fransanı geridə qoyaraq birinci yerdə qərarlaşıb
15 aprel 2024 60
Avropa Cüdo Birliyinin rəsmi saytında Azərbaycan cüdoçularının turnirdə heyranedici çıxışı diqqətə çatdırılıb. “Azərbaycan Fransanı qabaqladı” adlı məqalədə qeyd olunur ki, hər iki komanda qızıl medalların yarısına sahib çıxıb və hər biri dörd qızıl medal qazanıb. Fransa ümumi hesabda daha çox bürünc medal qazansa da, Azərbaycan gümüş medal sayında Fransanı ötüb.
Müəllifin sözlərinə görə, Azərbaycanın ümumi medal cədvəlində qalib gəlməsi, ilk növbədə, aşağı çəki dərəcələrində üstünlük təşkil etməklə əldə olunub. Belə ki, Bahadır Feyzullayev -50 kq çəkidə, Nihad Rəhimov -60 kq çəkidə, Kənan Sadıqov isə -66 kq çəkidə qızıl medal əldə ediblər. Cəsur İbadlı -73 kq çəki dərəcəsində fransalı Noah Boueyə məğlub olaraq gümüş medal qazanıb. Lakin sonra Əli Qazıməmmədov -81 kq çəki dərəcəsində qızıl medal qazanaraq komandanın üstünlüyünü təmin edib.
Avropa Cüdo Birliyi Azərbaycanın Berlindəki müstəsna çıxışını yüksək qiymətləndirib və onların 2024-cü ilin mayında keçiriləcək Göygöl yeniyetmələrin Avropa Kubokunda potensial uğurlarını gözlədiyini bildirib. Bundan əvvəl komanda aprelin 27-28-də Gürcüstanın Telavi şəhərində keçiriləcək yeniyetmələrin Avropa Kuboku iştirak edəcək. Hazırda, onlar Berlində üç günlük təlim-məşq toplanışındadırlar.
Bənzər xəbərlər
Budapeşt yeni Olimpiya təşəbbüsünün həyata keçirildiyi məkana çevriləcək
İyunun 20-dən 23-dək Budapeştdə BMX-fristayl, küçə və park skeytbordinqi, breykinq, ... Ətraflı
Azərbaycan nümayəndə heyəti Dünya Badminton Federasiyasının illik toplantısında iştirak edib
Çinin Çendu şəhərində baş tutan illik toplantıda dünyanın 151 yerli ... Ətraflı