Azərbaycan gimnastları “AGF Trophy” turnirini 6 medalla başa vurub

05 aprel 2026 - 18:16 346

Bakıda keçirilən bədii gimnastika üzrə “AGF Trophy” beynəlxalq turniri başa çatıb.

Azərbaycan gimnastları yarışı 1-i qızıl, 3-ü gümüş, 2-si bürünc olmaqla ümumilikdə 6 medalla bitiriblər.

Təmsilçilərimizdən Gövhər İbrahimova lent proqramında bürünc medal əldə edib. O, həmçinin halqa ilə hərəkətlərdə eyni uğura imza atıb.

Fidan Qurbanlı top proqramında gümüş medal qazanıb.

Digər idmançı Azadə Atakişiyeva lent proqramında fəxri kürsünün ən yüksək pilləsinə qalxıb. O, həmçinin topla hərəkətlərin icrasında ikinci olub.

Gimnastlarımız ötən gün komanda hesabında gümüş medala yiyələnib.

Turnirdə 15 ölkədən olan gimnastlar mübarizə aparıblar.

Bənzər xəbərlər

Oktyabrın 23-də Milli Olimpiya Komitəsinin (MOK) inzibati binasında Seneqalın paytaxtı ... Ətraflı

Rusiya Federasiyasının Krasnoyarsk şəhərində oktyabrın 21-dən etibarən start götürən XIV “Rusiya ... Ətraflı