Azərbaycan Tokio-2020-yə daha bir lisenziya qazandı
18 mart 2020 833
Boks üzrə Azərbaycan milli komandası Tokio-2020 Yay Olimpiya Oyunlarına ilk lisenziyasını qazanıb.
Boks Federasiyasından verilən məlumata görə, yığmamızın heyətində Tayfur Əliyev bu hüquqa yiyələnib.
Avropa Oyunlarının mükafatçısı Böyük Britaniyanın paytaxtı Londonda keçirilən Avropa Olimpiya Təsnifat Turnirində 1/4 finala yüksəlməklə Tokio-2020-də iştirak hüququna sahib olub.
57 kq çəki dərəcəsində mübarizə aparan 23 yaşlı boksçu 1/8 finalda Edqaras Skurdelisdən (Litva) üstün olub.
Yarış gecə seansından sonra dayandırıldığından 1/4 final qarşılaşması turnir bərpa olunduqdan sonra baş tutacaq.


Bənzər xəbərlər
Avropa çempionatı: Azərbaycanın bir boksçusu finala yüksəlib, digəri bürünc medal qazanıb
Azərbaycan boksçusu Sübhan Mamedov Macarıstanın paytaxtı Budapeştdə keçirilən U-23 Avropa ... Ətraflı
Fərid Qayıbov yenidən Avropa Gimnastikasının prezidenti seçilib
Azərbaycanın gənclər və idman naziri Fərid Qayıbov yenidən Avropa Gimnastikasının ... Ətraflı

