Azərbaycan Tokio Olimpiadasının paradından keçdi
23 iyul 2021 701
Tokioda keçirilən XXXII Yay Olimpiya Oyunlarının rəsmi açılış mərasiminə start verilib.
Bakı vaxtı ilə saat 15:00-da start götürən mərasimdə bayrağımızı cüdoçu Rüstəm Orucov və taekvondoçu Fəridə Əzizova daşıyıb. Paradda yığmamızın şef-de-missionu olan Fərid Mansurovla birlikdə 27 nəfərlik nümayəndə heyəti yer alıb. Komandamız açılış mərasimindən Yunanıstan, Qaçqın Olimpiya Komandası, İslandiya və İrlandiyadan sonra 5-ci keçib.
Koronavirus pandemiyası səbəbindən bir il sonra baş tutan Tokio-2020-nin açılış mərasimi azarkeşsiz keçirilib. Yaponiya Milli Stadionunda təşkil edilən tədbirə idmançılardan başqa ümumilikdə 950 rəsmi şəxs buraxılıb.
Qeyd edək ki, Olimpiada avqustun 8-dək davam edəcək. Multi idman yarışına 40 lisenziya əldə edən Azərbaycan millisi turnirə 44 idmançı ilə qatılıb.
Bənzər xəbərlər
Prezident Olimpiya mükafatçılarını təltif etdi
Prezident İlham Əliyev Azərbaycan Milli Olimpiya komandası üzvlərinin təltif edilməsi ... Ətraflı
Hacı Əliyev: "Bu, hamımızın zəfəridir"
"Çox sevinirəm ki, olimpiadanın gümüş medalını qazandım. Sözsüz, "qızıl"a çox ... Ətraflı