Xəbərlər

Azərbaycanın ağırlıqqaldıranı Gürcüstanda bürünc medal qazanıb

14 iyul 2025 - 14:22 226

Ağırlıqqaldırma üzrə Azərbaycan millisinin üzvləri İsa Rüstəmov və Dadaş Dadaşbəyli Gürcüstanda keçirilmiş "Kakhi Cup-2025" beynəlxalq turnirində iştirak ediblər.

 

Azərbaycan Ağırlıqqaldırma Federasiyasından verilən məlumata görə, İsa Rüstəmov toplamda 321 kiloqram (145+176) nəticə ilə yarışın bürünc medalını qazanıb.

 

Digər atletimiz Dadaş Dadaşbəyli isə ümumilikdə 392 kiloqram (184+208) nəticə ilə 6-cı olub.

 

Qeyd edək ki, turnirin nəticələri sinkler cədvəli ilə hesablanır və burada ilk 6 yeri tutan idmançılar medallarla təltif olunur.

 

Beynəlxalq turnirdə Avropa və dünyanın ən güclü atletlərindən sayılan türkiyəli Yusuf Genç və Kaan Kahriman kimi idmançılar da mübarizə aparıblar.