Azərbaycanın yeniyetmə şpaqaçıları beynəlxalq turnirdə mübarizə aparıblar
30 yanvar 2024 214
Azərbaycanın yeniyetmə şpaqaçıları Serbiyanın Novi Sad şəhərində keçirilən Avropanın “Cadet Circuit” turnirində çıxışlarını başa vurublar.
Qız və oğlan şpaqaçıların şəxsi yarışında ən yaxşı göstərici 133 iştirakçı arasında ümumi sııralamada 14-cü olan Xədicə Həsənliyə məxsusdur.
Xədicə Həsənli, Aynur Quliyeva, Nəzrin Mehdiyeva və Xatun Bayramovadan ibarət yığma komanda yarışında keçirdiyi ilk görüşdə Bolqarıstan seçməsini 45:24 hesabı ilə məğlub edib. Ən güclü “səkkizliy”ə yüksəlmək uğrunda qarşılaşmada Slovakiya yığmasını 45:38 hesabı ilə mübarizədən kənarlaşdıran milli komanda yarımfinal uğrunda keçirilən qarşılaşmada gümüş medalçı Ukrayna seçməsinə məğlub olub - 29:45.
Mirxətai Məmmədov, Abbas Səmədli, Emin Səfərbəyov və Vahab Fətullayevdən ibarət yeniyetmə oğlan şpaqaçıları isə komanda yarışında 6-cı olub. İlk görüşündə Serbiya yığması üzərində 38:24 hesablı qələbə qazanan yığma Şimali Makedoniya ilə qarşılaşmada da qalibiyyət əldə edib – 45:41. Komanda yarımfinala yüksəlmək uğrunda keçirilən görüşdə turnirin qalibi Ukrayna şpaqaçılarına 38:45 hesabı ilə uduzub.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı