Xəbərlər

Azərbaycanın yunan-Roma güləşçisi reytinq turnirinin finalında

08 iyun 2024 949

Azərbaycanın yunan-Roma güləşçisi Murad Məmmədov Macarıstanın paytaxtı Budapeştdə keçirilən reytinq turnirində finala yüksəlib.

 

63 kiloqram çəki dərəcəsində çıxış edən idmançı yarımfinalda iranlı Meysam Dalxanini sınağa çəkib. Rəqibinə 10:1 hesabı ilə qalib gələn M.Məmmədov adını həlledici mərhələyə yazdırıb.

 

O, qızıl medal görüşündə moldovalı Viktor Kiobanu ilə qarşılaşacaq. 

 

Beka Kandelaki (130 kiloqram) isə ilk qarşılaşmada məğlubiyyətə üzülüb. 

 

Qeyd edək ki, yarışın ilk günündə Azərbaycanın sərbəst güləşçilərindən Maqomedxan Maqomedov (97 kiloqram) gümüş, Hacı Əliyev (65 kiloqram) isə bürünc medal qazanıb. Milli komanda iyunun 9-dək davam edəcək reytinq turnirində 14 güləşçi ilə təmsil olunur.