Avropada 2023-cü ilin ən yaxşı gimnastı bəlli olub.

Avropa Gimnastikasının rəsmi saytına istinadən xəbər verir ki, bu ada batut gimnastikası və tamblinq üzrə Azərbaycan millisinin üzvü Mixail Malkin layiq görülüb.

Avropa çempionu 226 339 səs (52 faiz) toplayaraq, bütün rəqiblərini qabaqlayıb.

Azərbaycan yığmasına rəhbərlik edən Adil Hüseynzadə isə 196 735 səslə ilin məşqçisi seçilib.

Qeyd edək ki, Mixail Malkin ötən il Böyük Britaniyanın Birmingem şəhərində keçirilmiş batut gimnastikası və tamblinq üzrə dünya çempionatında qızıl medal qazanıb. Adil Hüseynzadənin başçılıq etdiyi yığma da həmin turnirdə dünya çempionu olub.