Noyabrın 23-24-də Bakı Hilton hotelində İdmanda irqçiliyin aradan qaldırılması üçün Ədalətli Oyun Təhsili ilə bağlı konqres keçiriləcək. 

Proqrama əsasən konqresin ilk günündə keçiriləcək Təşkilat Komitəsinin iclasında təşkilati məsələlərin vəziyyəti, son məlumatlar, cədvəl və konqresin protokolu haqqında müzakirələr aparılacaq.

Sonra AƏOH-un İK-nin üzvləri, Milli Olimpiya Komitəsinin, Gənclər və İdman Nazirliyinin nümayəndələri Şəhidlər Xiyabanını və Fəxri Xiyabanı ziyarət edəcəklər. 

Günün ikinci yarısında keçiriləcək AƏOH İcraiyyə Komitəsinin iclasından sonra isə Qala Gecəsi olacaq.

Konqresin ikinci günündə MOK-un vitse-prezidenti Çingiz Hüseynzadə, Gənclər və İdman naziri Fərid Qayıbov, MOK-un baş katib Azər Əliyev, MOK-un Ədalətli Oyunlar Komissiyasının sədri Xəzər İsayev, AƏOH-un prezidenti Filip Üzyo, BƏOK-un prezidenti Jeno Kamuti və media nümayəndələri iştirak edəcəklər. 

Konqresdə İdmanda irqçiliyin aradan qaldırılması üçün Ədalətli Oyun Təhsili haqqında fikir mübadiləsi və müzakirələr aparılacaq.