Bakıda "Gimnastika hamı üçün" tədbiri keçirilib

05 iyun 2022 1599

Gənclər və İdman Nazirliyi "İdman hamı üçün" tədbirlərinə start verib. Layihə çərçivəsində iyunun 5-də "Gimnastika hamı üçün" məşğələləri keçirilib. Heydər Əliyev Mərkəzinin ərazisində baş tutan tədbirdə çox sayda əhali iştirak edib.

Tədbirdə müxtəlif musiqili-nümunəvi çıxışlar təqdim edilib. Bütün yaş kateqoriyasından olan insanlar proqrama qoşularaq, gimnastika mütəxəssislərinin rəhbərliyi altında isinmə, gimnastika, rəqs hərəkətlərini yerinə yetirib, fləşmobda iştirak ediblər.

Qeyd edək ki, əyləncəli idman tədbirinin təşkilində məqsəd əhali arasında gimnastikanın təbliği, idmana marağın artırılması, sağlam həyat tərzinə çağırış, asudə vaxtın səmərəli təşkilidir.