Bakıda “Heydər Əliyev 100. Voleybola dəstək marafonu” təşkil olunub
17 iyun 2023 226
Azərbaycan Voleybol Federasiyası (AVF) Ulu Öndər Heydər Əliyevin anadan olmasının 100 illik yubileyinə həsr olunmuş “Heydər Əliyev 100. Voleybola dəstək marafonu” keçirib.
Bu barədə Azərbaycan Voleybol Federasiyasından məlumat verilib.
Marafonda gənclər və idman naziri Fərid Qayıbov, AVF-nin prezidenti Şahin Bağırov, vitse-prezident Bəhruz Quliyev, baş katib Faiq Orucov, qadınlardan və kişilərdən ibarət yığma komandalarımızın üzvləri, yeniyetmə, gənc və veteran voleybolçular, digər növlərlə məşğul olan idmançılar, nazirliyin və federasiyasının əməkdaşları, media nümayəndələri və şəhər sakinləri iştirak ediblər.
Qaçış Dənizkənarı Bulvarda yerləşən "Dəniz Mall"un qarşısından start götürüb. Marafonçular buradan Bayraq meydanına və geriyə olmaqla, ümumilikdə 5 kilometr məsafə qət ediblər. Daha sonra "Dəniz Mall"un qarşısında qurulmuş voleybol meydançalarında milli voleybolçularımız və şəhər sakinlərinin iştirakı ilə rəmzi yarış keçirilib. Burada, həmçinin marafon iştirakçıları və qonaqlar üçün voleybol oyunları və müxtəlif əyləncəli şoular təşkil olunub.
Qeyd edək ki, tədbir Prezident İlham Əliyevin voleybolun paytaxtda və bölgələrimizdə inkişafı ilə bağlı verdiyi tövsiyə və tapşırıqları çərçivəsində təşkil olunub. Marafon ölkəmizdə voleybolun inkişafı, kütləviləşməsi, yeniyetmə və gənclərin idmanın bu növünə cəlb olunmasına xidmət edir. AVF-nin belə tədbirlərinin paytaxtla yanaşı, bölgələrdə də təşkili nəzərdə tutulur.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı