Mayın 20-də Azərbaycan Respublikası Gənclər və İdman Nazirliyi və Azərbaycan Velosiped Federasiyasının (AVF) təşkilatçılığı ilə "İdman hamı üçün" layihəsi çərçivəsində veloyürüş keçirilib.

Bakı Konqres Mərkəzinin qarşısındakı parkda baş tutan veloyürüşə AVF və Respublika Olimpiya Ehtiyat Qüvvələri İxtisaslaşdırılmış Uşaq-Gənclər Velosiped Məktəbinin idmançıları, həvəskar velosipedçilər, həmçinin şəhər sakinləri qatılıblar.

İştirakçılar parkın ərazisində təyin olunmuş marşrutla bir saat müddətində dairəvi hərəkət ediblər.

Veloyürüş şəhər sakinlərinin böyük marağına səbəb olub.

Qeyd edək ki, kütləvi idman tədbirinin təşkilində əsas məqsəd əhali, xüsusən də uşaq və gənclər arasında velosiped idmanına marağın artırılması, sağlam həyat tərzinin təbliğidir.